Aktiaateqarluni ingerlatseqatigiiffiit suliffeqarfiillu namminersortut pisortanit pigineqartut

Namminersorlutik Oqartussat aktiaatileqatigiiffinni arlalinni aktiaateqartuupput, taakkunannga Namminersorlutik Oqartussat taakkua pingajorarterutit marluk piginnittuuffigaat.

 

Piginnittut nassuiaatillu

 

Royal Greenland A/S

Royal Greenland tassaavoq nunarsuarmi immami nillertumi raajanik tuniniaasartut annersaat, imaanilu nerisassiani aalisarnermi, suliareqqiisarnermi, nioqqutissiornermi, tuniniaasarnermi ingerlatitseqqiisarnermilu nunarsuarmi suliffeqarfiit anginersat ilagalugu.

Ingerlatseqatigiiffik pillugu nittartagaq uani takuuk: www.royalgreenland.com

 

Arctic Umiaq Line A/S

Ingerlatseqatigiiffik Kalaallit Nunaata imartaani ilaasunik angallassisuuvoq. Ingerlatseqatigiiffik 1774-mi pilersinneqarpoq. Arctic Umiaq Line ullumikkut Air Greenland A/S-imit aamma Royal Arctic Line A/S-imit pigineqarpoq.

Ingerlatseqatigiiffik pillugu nittartagaq uani takuuk: www.aul.gl

 

A/S Inissiaatileqatigiiffik INI

Namminersornerullutik Oqartussat kommunillu inissiaataannik pisariitsumik ingerlatsinissaq qularnaarniarlugu Inissiaatileqatigiiffik 1. januar 1995-mi pilersinneqarpoq.

Ingerlatseqatigiiffik pillugu nittartagaq uani takuuk: www.ini.gl

 

Great Greenland A/S

Great Greenland A/S Kalaallit Nunaannit tamarmiit kalaallit piniartuinit puisit amiinik pisiortortuuvoq taamaalillunilu piniartut akigissaartitsisumik pisaminnik tuniniaasarnissaat periarfissillugit. Ingerlatseqatigiiffik amminit atisalianik puisillu amiinit nioqqutissianik tunisassiortarpoq, pingaartumik avammut tuniniagassanik.

2002-imi siornatigut suliffeqarfik namminersortoq Great Greenland aktiaateqarluni ingerlatseqatigiiffimmut Great Greenland A/S-imut kattunneqarpoq, kingulliullugu taaneqartoq ingerlatitseqqittuulerluni.

Ingerlatseqatigiiffik pillugu nittartagaq uani takuuk: www.greatgreenland.com

 

Inuussutissarsiutit siuarsarneqarnissaannut ingerlatseqatigiffik Greenland Tourism- and business Council A/S

Ingerlatseqatigiiffik siornatigut Greenland Tourism A/S-iugaluarpoq (Kalaallit Nunaanni Takornariaqarnermut Siunnersuisoqatigiit). Maanna ingerlatseqatigiiffik nunami inuussutissarsiutinut siunnersuisalerpoq.

Ingerlatseqatigiiffik pillugu nittartagaq uani takuuk: www.greenland.com

 

Grønlandshavnens Ejendomme A/S

Suliffeqarfik Grønlandshavnen Aalborgimi inissisimavoq.

Ingerlatseqatigiiffik nammineerluni nittartagaqanngilaq.

 

KNI A/S

KNI siornatigut tassaagaluarpoq KNI Pilersuisoq A/S aamma KNI Pisiffik A/S. 2002-miit siornatigut ingerlatseqatigiiffik aqutaq ingerlatseqatigiiffimmut aqutsisumut KNI A/S-imut Pisiffik A/S-imik taaguuserlugu kattunneqarpoq, ingerlatseqatigiiffimmik aqutsisuusoq taaguusiullugu.

NUKA A/S aamma tassunga atasoq NEQI A/S 2005-mi KNI A/S-imit ingerlanneqalerpoq, upernaakkullu 2005-imi Arctic Greenfood A/S-imik taaguuteqalerluni.

Ingerlatseqatigiiffik pillugu nittartagaq uani kinguliinilu takuuk: www.pilersuisoq.gl

 

Pisiffik A/S

KNI Pisiffik A/S maanna Pisiffik A/S-imik taaguuteqarpoq. Pisiffik Kalaallit Nunaanni pisiniarfeqarfiit annersaraat. Pisiniarfeqarfik Kalaallit Nunaanni illoqarfinni anginerni arfinilinni 36-inik pisiniarfissuarnik, pisiniarfeeqqanik niuertarfinnillu immikkut tuniniagassalinnik ingerlataqarpoq. Pisiniarfissuit qulit saniatigut Pisiffik Sparimik, Jysk Idémøblerinik, Pisattanik aamma Torrak Faschioninik ingerlataqarpoq. Pisiffik niuertarfiutileqatigiinnit Dagrofamit (pingaarnerusutut aktiaatilimmit), Pisiffimmi sulisorisanit assigiinngitsunit kiisalu Namminersorlutik Oqartussanit pigineqarpoq.

KNI A/S pillugu nittartagaq uani takuuk: www.pisiffik.gl

 

Arctic Greenfood A/S

Siornatigut NUKA A/S-iusoq, nunami namminermi nunanullu allanut tuniniagassanik aalisakkanit nioqqutissiortarpoq. Narsami aqutatut ingerlatseqatigiiffik Neqi A/S savaaqqanik, umimmannik tuttullu neqaannik suliarinnittarpoq.

Ingerlatseqatigiiffiit pillugit nittartakkat ukua takukkit: www.arcticfood.gl aamma www.kni.gl

 

NunaMinerals A/S

NunaMinerals A/S tassaavoq Kalaallit Nunaanni aatsitassanik misissugassanik ingerlatseqatigiiffik siuttuusoq. Ingerlatseqatigiiffiup Kalaallit Nunaanni aatsitassanik isumalluutit ineriartortitarai iluaqutiginiarlugillu, tamatumani aatsitassarsiorfinni, aatsitassarsiorfinniit iluanaarutinik kiisalu suliniutinik tuniniaasarnikkut isertitaqaataalluartumik ingerlatseqatigiiffimmik ineriartortitsinissap siuarsarneqarneratigut.

Misissugassanik ingerlatseqatigiiffik pillugu nittartagaq una takuuk: www.nunaminerals.com

 

Greenland Venture A/S

Annaaneqaratarsinnaasunik aningaasaliisartoqatigiiffiup Greenland Venture A/S-ip siunertaraa siunissaq ungasinnerusoq eqqarsaatigalugu aningaasaliissuteqartarnissaq, pingaartumik suliffeqarfiit pilersaarusiornerannut ineriartortitsileruttornerannullu sammisunut. Aningaasaliissuteqartarfik iluanaarniarfittut tunngaveqartinneqarpoq.

Greenland Venture A/S pillugu nittartagaq una takuuk: www.venture.gl